Perfformio a Chynhyrchu Cerddoriaeth Lefel 3 - Diploma Estynedig
Trosolwg
Mae UAL Diploma Estynedig Lefel 3 mewn Perfformio a Chynhyrchu Cerddoriaeth yn gwrs dwy flynedd cynhwysfawr a dwys ar gyfer myfyrwyr sy’n frwd dros ddilyn gyrfa yn y diwydiant cerddoriaeth. Mae’r rhaglen ddwy flynedd hon yn cynnig cyfle i fyfyrwyr ddatblygu eu sgiliau perfformio cerddoriaeth a thechnegau cynhyrchu cerddoriaeth.
Mae’r cwrs yn ymdrin ag ystod eang o bynciau, gan gynnwys theori cerddoriaeth, sgiliau perfformio byw, meddalwedd cynhyrchu cerddoriaeth, technegau recordio, a busnes cerddoriaeth a marchnata. Bydd gan fyfyrwyr fynediad at gyfleusterau ac offer o’r radd flaenaf, a byddant yn cael eu haddysgu gan weithwyr proffesiynol profiadol a gwybodus yn y diwydiant.
Trwy gydol y cwrs, bydd myfyrwyr yn cael y cyfle i gymhwyso eu dysgu trwy brosiectau ymarferol a pherfformiadau byw. Ar ôl cwblhau’r cwrs, bydd myfyrwyr wedi ennill y sgiliau angenrheidiol i lwyddo mewn amrywiaeth o rolau o fewn y diwydiant cerddoriaeth, gan gynnwys fel perfformwyr, cynhyrchwyr, a pheirianwyr sain.
Gwybodaeth allweddol
- Pum gradd C neu uwch ar lefel TGAU
- Neu UAL Lefel 2 mewn Perfformio a Chynhyrchu Cerddoriaeth – Pasio neu uwch
- Clyweliad (rhaid bod dysgwyr yn gallu chwarae offeryn neu ganu).
Rhaid i chi basio 13 uned (dim arholiadau); wyth yn y flwyddyn gyntaf a phump yn yr ail flwyddyn.
Graddau’r unedau terfynol am y ddwy flynedd fydd Pasio, Teilyngdod neu Ragoriaeth (hon fydd eich gradd ar gyfer pob blwyddyn).
Mae’r rhan fwyaf o ddysgwyr yn symud ymlaen i gyrsiau prifysgol, ac mae rhai yn sicrhau swyddi yn y diwydiant cerddoriaeth.
Mae ffi stiwdio £75 ar gyfer y cwrs hwn a fydd yn talu am yr holl adnoddau sydd eu hangen yn ystod y cwrs.