Newyddion y Coleg

Wythnos Gymraeg yng Ngholeg Gŵyr Abertawe

Yr wythnos diwethaf, cynhaliodd Coleg Gŵyr Abertawe ei Wythnos Gymraeg flynyddol, gan annog ymgysylltu diwylliannol ymhlith myfyrwyr a staff, trwy weithgareddau sy’n dathlu diwylliant a thraddodiadau Cymru a’r iaith Gymraeg.

Cafwyd sesiynau clocsio egnïol gan y seren deledu Tudur Phillips, ac fe wnaeth myfyrwyr fwynhau’r ddawns Gymreig draddodiadol, gan feithrin ymdeimlad o falchder diwylliannol mewn ffordd modern.

Coleg yn cael ei wahodd i Rif 10 i drafod menopos yn y gweithle

Cafodd Cyfarwyddwr Adnoddau Dynol Coleg Gŵyr Abertawe, Sarah King, ei gwahodd i Stryd Downing yr wythnos hon (dydd Llun 4 Mawrth) i ddechrau dathliadau Diwrnod Rhyngwladol y Menywod (DRhM) 2024.

Gwahoddwyd Sarah i gymryd rhan mewn sesiwn bord gron ar y Menopos yn y Gweithle cyn DRhM heddiw (dydd Gwener 8 Mawrth).

Cafodd y ford gron ei chroesawu gan y Gweinidog Mims Davies ac roedd detholiad o arweinwyr benywaidd yn bresennol o nifer o sectorau hefyd.

Cyfarwyddwr Adnoddau Dynol yn rhoi cyflwyniad yng nghynhadledd genedlaethol y menopos

Yn ddiweddar, siaradodd Sarah King, Cyfarwyddwr Adnoddau Dynol Coleg Gŵyr Abertawe, yng nghynhadledd flynyddol Menopos yn y Gweithle yng Nghaerdydd, dan arweiniad Policy Insight Wales.

Trefnwyd y gynhadledd fel bod sefydliadau yn gallu dysgu sut i gynorthwyo, gwerthfawrogi a chadw aelodau staff sy’n profi symptomau’r perimenopos a’r menopos yn well.

Yn sgil y canllawiau newydd a gyhoeddwyd gan y Comisiwn Cydraddoldeb a Hawliau Dynol,  mae’n hollbwysig nawr bod cyflogwyr yn gwneud addasiadau rhesymol i weithwyr sy’n mynd trwy’r menopos.

Coleg Gŵyr Abertawe yn Lansio Ymgyrch i Gefnogi Myfyrwyr yn ystod Arholiadau ac Asesiadau

Mae Coleg Gŵyr Abertawe wedi lansio’r ymgyrch ANADLWCH i helpu myfyrwyr i leihau straen a rheoli unrhyw orbryder sydd ganddynt yn ystod y cyfnod arholiadau ac asesiadau sydd ar ddod.

Cyn-ddisgyblion yn dychwelyd i Lwyn y Bryn

Roedd criw o gyn-ddisgyblion Llwyn y Bryn yn hel atgofion yn ddiweddar pan ddychwelon nhw am daith dywys arbennig.

Roedd y ffrindiau, dan arweiniad Liz Mundee, yn ddisgyblion yn Ysgol Ramadeg Llwyn y Bryn rhwng 1965 a 1972.

Mae’r hen adeilad hardd bellach yn rhan o Goleg Gŵyr Abertawe ac mae’n gartref i grŵp amrywiol o fyfyrwyr sy’n astudio ystod o bynciau gan gynnwys celf a dylunio, ffotograffiaeth, cerddoriaeth ac ESOL (Saesneg ar gyfer Siaradwyr Ieithoedd Eraill).

Cyflwyno gwobr seiberddiogelwch nodedig i’r Coleg

Cyflwynwyd Gwobr Aur CyberFirst yn swyddogol i Goleg Gŵyr Abertawe gan gynrychiolwyr o CyberFirst a Jisc ar ddydd Iau, 25 Ebrill. 

Mae’r wobr yn dod ar ôl i’r Coleg gael ei gydnabod am ei ymrwymiad i ysbrydoli’r genhedlaeth ddiweddaraf o arbenigwyr seiberddiogelwch a phontio’r bwlch sgiliau seibr.

Coleg yn ennill Sefydliad Sector Cyhoeddus y Flwyddyn!

Yn ddiweddar, mewn dathliad o ragoriaeth ac arloesedd ym maes Adnoddau Dynol, cafodd Coleg Gŵyr Abertawe ei enwi’n Sefydliad Sector Cyhoeddus y Flwyddyn yng Ngwobrau Adnoddau Dynol Prydain 2024.

Wedi’i enwebu yn rownd derfynol y categori Sector Cyhoeddus a’r categori Menter y Flwyddyn – Lles Gweithwyr am y gwaith y mae wedi’i wneud ar godi ymwybyddiaeth am y menopos, roedd y Coleg yn falch iawn o fod wedi ennill.

Myfyrwyr yn edrych ymlaen at ddyfodol gwyrddach

Cafodd myfyrwyr yng Ngholeg Gŵyr Abertawe eu cyflwyno i lawer o gyfleoedd gyrfa a gwirfoddoli cyffrous yn ddiweddar mewn Uwchgynhadledd Werdd ar Gampws Gorseinon.

Trefnwyd y digwyddiad Dyfodol Cynaliadwy gan Glwb yr Amgylchedd y Coleg dan arweiniad Cynghorydd yr Amgylchedd a Chynaliadwyedd, Laura Wilkins.

Roedd myfyrwyr yn gallu cwrdd â gweithwyr proffesiynol o sefydliadau lleol blaenllaw, sgwrsio am faterion cynaliadwy a dysgu rhagor am lwybrau datblygu gyrfa posibl.

Myfyriwr Safon Uwch Daeareg yn graig o wybodaeth

Diddordeb brwd mewn bioleg ac anifeiliaid yw’r hyn sydd wedi rhoi Micah Mainwaring, myfyriwr Coleg Gŵyr Abertawe, ar y llwybr gyrfa i fod yn balaeontolegydd.

Mae Micah ar hyn o bryd yn astudio cyrsiau Safon Uwch mewn bioleg, daeareg, mathemateg a drama ar Gampws Gorseinon.

Mae ganddynt ddiddordeb arbennig mewn palaeobioleg, sy’n canolbwyntio ar ecoleg a bywyd creaduriaid cynhanesyddol.

Myfyrwyr yn dathlu cynigion gwych gan Rydgrawnt

Mae deg myfyriwr o Goleg Gŵyr Abertawe wedi cael cynnig lleoedd i astudio ym Mhrifysgol Rhydychen neu Brifysgol Caergrawnt yn 2024.

“Rydyn ni wrth ein boddau gyda’r cynigion hyn. Hoffwn i estyn llongyfarchiadau i’r myfyrwyr sydd wedi gweithio mor galed i gyflawni’r canlyniadau anhygoel hyn,” meddai Cydlynydd Anrhydeddau CGA y Coleg, Dr Emma Smith.