Cymorth Gofal Iechyd Clinigol Lefel 2 - Cymhwyster

Mae’r cymhwyster hwn yn addas ar gyfer cynorthwywyr gofal iechyd sy’n gweithio’n bennaf mewn rolau sy’n darparu cymorth i unigolion sy’n cyrchu gwasanaethau iechyd Cymru dan gyfarwyddyd ymarferydd cofrestredig proffesiynol, neu nyrs gofrestredig.

I ymgymryd â’r cymhwyster hwn, rhaid i ddysgwyr fod yn gyflogedig gan wasanaethau iechyd Cymru mewn rôl lle mae sgiliau clinigol yn rhan hanfodol o’u dyletswyddau. Cafodd y cymhwyster ei ddatblygu i lywodraethu arfer yng Nghymru yn well trwy sicrhau ansawdd allanol.

Mae’r cymhwyster yn berffaith ar gyfer cynorthwywyr gofal iechyd GIG Cymru, ac mae disgwyl i holl staff cymorth clinigol gael cyfle i gwblhau’r cymhwyster a/neu gyflawni elfennau ohono at ddibenion datblygiad proffesiynol parhaus. Gallant yna hwyluso unrhyw newidiadau mewn ymarfer dros amser.