Lluosi - Sgiliau Taenlenni ar gyfer Cyllidebu
E-bost: multiply@gcs.ac.uk
Trosolwg
Prosiect Lluosi! Mae Coleg Gŵyr Abertawe yn falch o gynnig cyrsiau rhifedd am ddim i oedolion. Mae’r cyrsiau’n berthnasol i fywyd bob dydd ac maent yn hollol wahanol i’r hen wersi Mathemateg rydych chi’n eu cofio yn yr ysgol!
Cwrs byr yw Sgiliau Taenlenni ar gyfer Cyllidebu a fydd yn datblygu eich sgiliau fel y gallwch ddefnyddio taenlenni, fformiwlâu a fformatau Microsoft Excel syml i drefnu ac arddangos data.
Bydd y testunau’n cynnwys:
- Creu taenlenni
- Arddangos a thrin data
- Defnyddio graffiau i roi ffurf weledol i ddata
- Creu taenlenni i reoli cyllidebau personol
Ariennir Prosiect Lluosi yn llawn gan Lywodraeth y DU drwy’r Gronfa Ffyniant Gyffredin.
Gwybodaeth allweddol
I astudio’r rhaglen hon, bydd angen i ddysgwyr wybod sut i ddefnyddio cyfrifiaduron - sut i’w troi ymlaen a’u diffodd, sut i ddefnyddio llygoden a bysellfwrdd, agor a chau rhaglenni ac ati.
Gofynion Cymhwystra ar gyfer y cyrsiau:
• 19+ oed
• Byw neu’n gweithio yn Abertawe
Rhaid dod â thystiolaeth o gymhwysedd i’r wers gyntaf. Gellir cyrchu rhestr o’r mathau o dystiolaeth a dderbynnir yma.
Bydd y cwrs yn cael ei gyflwyno mewn sesiynau 3 awr dros gyfnod o 4 wythnos yng Nghanolfan Ffordd y Brenin.
Nid oes asesiad ffurfiol ar gyfer y cwrs hwn. Yn hytrach, byddwn yn casglu tystiolaeth o ddysgu.
Gallwch ymgymryd â chyrsiau Lluosi eraill a chofrestru ar gyfer cyrsiau Lefel 1/2 Sgiliau Hanfodol Cymru - Cymhwyso Rhif - gan ennill cymhwyster rhifedd i greu argraff ar gyflogwyr.