FfCCh Diploma Darparu Diogelwch Electronig

Prentisiaeth

Lefel 2

Diploma

12-24 months

Arolwg

Mae’r rhaglen wedi’i hanelu at ymgeiswyr sy’n gosod systemau diogelwch electronig ar hyn o bryd neu unrhyw un sydd wedi cael cynnig prentisiaeth gyda chwmni gosod systemau diogelwch. Mae’r brentisiaeth yn cynnig cymwysterau cenedlaethol sy’n cael eu cydnabod yn y diwydiant gosodiadau diogelwch gan sefydliadau masnach blaenllaw.

Nid yw’r cwrs hwn yn rhedeg ar hyn o bryd .

Gwybodaeth allweddol

Unedau gorfodol (mae enghreifftiau o'r rhain yn cynnwys):

• Lleihau ac ymateb i risgiau iechyd a diogelwch yn eich gweithle
• Cyfathrebu'n effeithiol yn y gweithle
• Cyfrannu at gynnal cysylltiadau gwaith effeithiol

Unedau dewisol (byddwch yn dewis un o'r arbenigeddau canlynol sy'n berthnasol i'ch maes gwaith:

• Larymau tresmaswyr - dylunio, gosod, profi, comisiynu a chynnal a chadw systemau larwm lladron a dwyn
• Systemau teledu cylch cyfyng - technegwyr comisiynu, technegwyr cynnal a chadw, syrfewyr a dylunwyr technoleg systemau teledu cylch cyfyng (CCTV)
• System rheoli mynediad - dylunio, gosod, comisiynu a chynnal a chadw offer a systemau rheoli electronig
• Canfod tân a larymau - dylunio, gosod, profi, comisiynu a chynnal a chadw systemau canfod tân a larymau

Sgiliau Hanfodol Cymru:

• Cymhwyso rhif Lefel 2
• Cyfathrebu Lefel 2
• TGCh Lefel 1

Bydd cwblhau’r rhaglen brentisiaeth yn llwyddiannus yn darparu’r cymwysterau sydd eu hangen i weithio yn y diwydiant gosod systemau diogelwch gyda’r posibilrwydd o symud ymlaen i raglen brentisiaeth uwch, Diploma FfCCh Lefel 3 mewn Darparu Systemau Argyfwng a Larwm Diogelwch Electronig.

Bydd dysgwyr yn mynychu hyfforddiant 'un diwrnod yr wythnos' i astudio'r Dystysgrif Dechnegol Lefel 2 mewn Gwybodaeth am Ddiogelwch Electronig a Systemau Argyfwng, sy'n cynnwys yr elfen theori. Mae asesiadau'n amrywio o aseiniadau arholiad i aseiniadau ysgrifenedig. Yn y gwaith bydd angen i chi gasglu tystiolaeth o gymhwysedd ar gyfer eich cymhwyster FfCCh. Asesir y FfCCh trwy gasglu tystiolaeth ffotograffig, tystiolaeth gan dystion ac ymweliadau â'r safle gan eich tiwtor/aseswr. Bydd prentisiaid yn cael mentor hyfforddi, a fydd yn ymweld â nhw bob wyth wythnos i sicrhau eu bod yn hapus â’u cynnydd a’u bod ar y trywydd iawn i gyflawni. Bydd yn cymryd rhwng 12 - 24 mis i gwblhau’r fframwaith prentisiaeth yn dibynnu ar allu a phrofiad blaenorol.